«Buna səbəb kəmərdə baş verən xam neft oğurluğu və sabotaj faktlarıdır»,- deyə çərşənbə günü telekanalın Türkiyədəki xüsusi müxbirinə istinadən bildirilir. Türkiyə hökuməti BTC-nin mühafizəsi məqsədilə əlavə qüvvənin yaradılmasına $5,5 mln. ayırmağı qərara alıb.
BTC-nin uzunluğu 1767 km-dir. Bunun 443 km-i Azərbaycan, 248 km-i Gürcüstan, 1076 km-i Türkiyə ərazilərinin payına düşür. Kəmərin ötürmə qabiliyyəti ildə 50 mln. ton neftdir. Tikinti işləri 2003-cü ilin aprelində başlayıb və 2006-cı ilin yayında başa çatıb. Tikinti işlərinin dəyəri $3,9 mlrd. təşkil edib.