Azərbaycan Respublikasının Prezidenti yanında Qiymətli Kağızlar üzrə Dövlət Komitəsi "United Credit Bank" Açıq Səhmdar Cəmiyyətinin ümumi məbləği 10 milyon manat, hər birinin nominal dəyəri 2 min manat olan adi adlı sənədsiz səhmlərinin emissiya prospektini qeydə almışdır.
Emissiya prospektinə əsasən, yerləşdirmə kütləvi təklif üsulu ilə Bakı Fond Birjasında həyata keçiriləcəkdir. "AzərİnterTreyd" MMC səhmlərin yerləşdirilməsində təminatçı vəzifəsində çıxış edir.
Səhmləri əldə etmək istəyən şəxslər BFB-nın üzvü və broker lisenziyasına malik olan təşkilata müraciət edə bilərlər.
"United Credit Bank" ASC-nin səhmlərinin emissiya prospekti BFB-nın internet saytında yerləşdiriləcəkdir.